WASHINGTON, MERKA, AFP.- Senado di Merka a aprobá un proyekto ku ta prohibí tur empleado di ‘download’ i usa TikTok riba nan telefòn. E ret sosial ta di e grupo chines ByteDance. E prohibishon ta konta pa empleadonan di gobièrnu i miembronan di Kongreso.

Kámara di Representante mester aprobá e resolushon i pa finalmente presidente Donald Trump firma esaki komo lei.

E proyekto lo prohibí tur empleado di gobièrnu di Merka, inkluyendo funshonarionan elekto di Kongreso, empleadonan di Kongreso i tambe funshonario i empleadonan públiko, di ‘download’ òf usa e aplikashon TikTok òf kualkier aplikashon desaroyá pa ByteDance.

E sekretario di estado Mike Pompeo a bisa ku Washington ta ekspandiendo su programa Clean Network  dirigí na China i ku tin plania di prohibí TikTok i tur aplikashon chines konsiderá komo un riesgo kontra seguridat nashonal di Merka.

 

LAGA UN KOMENTARIO

Please enter your comment!
Please enter your name here