WASHINGTON, MERKA, AFP.- Senador republikano Rick Scott a kalifiká presidente di Merka, Joe Biden komo mentalmente “inkapasitá” di ku e mester renunsiá. Esaki ta antisipashon un antisipashon brutal di e kampaña di elekshonnan legislativo ku ta ward’é e aña aki.
Scott, kende ta enkabesá organisashon di e kampaña di senadornan republikano, a konbertí den un blanko klave di mensahenan elektoral di Biden, ku segun su oponentenan ta ekstremista.
“Laga nos ta honesto. Biden no ta bon. E no ta apto pa e kargo. E ta inkoherente i inkapasitá i konfundí. Nunka nos no sa unda e ta. E ta inkapas di liberá i ehekutá su funshonnan”, asina Scott a bisa den un komunikado.
“Tur hende sa. Niun hende no ke bis’é. Pero nos mester hasié, pa bienestar di e pais”, asina e senador di Florida a añadí.
Den un diskurso djamars, Biden a reiterá su atvertensia pa e plan ekonómiko proponé pa Scott, bisando ku esaki lo subi impuesto pa personanan ku entrada abou i pone kontinuidat di atenshon médiko estatal pa e pueblo pober i ansianonan.
