EL PASO, TEXAS, MERKA, AP.- Mas o ménos 250 adolesente, den su mayoria di Amérika Sentral, ta detené den un sentro di detenshon di menornan inmigrante serka El Paso, segun indikashon di tres senador demókrata.

E legisladornan a haña na momentu ku nan a preshoná pa haña mas informashon di e polítika sero toleransia di gobièrnu di presidente Trump pa inmigrantenan ku krusa frontera sin outorisashon.

E lugá, un konhunto di tiendanan di kampaña serka di Tornillo, na frontera di Texas ku Mexico, inkluyendo otro sentronan di detenshon pa mucha inmigrante, ta hañando mas atenshon meimei di e konfushon ku a surgi despues di e òrdu di presidente Donald Trump pa e stòp di separá menornan migrante di nan famianan detené pa drenta den Merka sin pèrmit.

Un kontratista ku ta atministrá un sentro 48 kilometer na sùitost di El paso, a duna e informashon na senadornan Tom Udall i Martin Heinrich di New Mexico, i Richard Blumenthal di Connecticut, sin permití ku nan ta drenta den áreanan di detenshon òf papia ku menornan.

E senadornan a wòrdu informá ku mayoria di e muchanan detené a yega na frontera sin nan mayornan, ounke outoridat merikano a separá algun di nan famianan. Nan a mira video di hóbennan kaptivá hungando futbòl.

Masha poko di e hóbennan aki tabata den e proseso di enkontrá ku nan famianan, segun informashon di e senadornan. No tabatin mas informashon disponibel riba e proseso pa uni e famianan.

LAGA UN KOMENTARIO

Please enter your comment!
Please enter your name here