BRUSELAS, BELGIKA, AFP.- E negosiashonnan entre Serbia i Kosovo a registrá avansenan, pero mester di otro reunion entre e dirigentenan di e dos paisnan pa normalisá e relashonnan, asina e hefe di diplomasia oropeo Josep Borrell a indiká.

“Awe a registrá avansenan, pero ainda ta keda trabou pa hasi pa garantisá ku ta apliká e loke akordá”, asina Borrell a deklará despues di un reunion ku presidente serbio, Aleksandar Vucic, e promé minister di Kosovo Albin Kurti.

Union Oropeo a presentá ta e dos partidonan un plan ku ta keda mantené den estrikto reserva i ku ta buska pa solushoná e diferensianan entre e dos partidonan.

Tur dos dirigente a aseptá apliká e akuerdo proponé pa Union Oropeo pero ainda tin ku negoshá e modalidatnan di ehekushon, asina Borrell a bisa. Un reunion lo tuma lugá pa esaki na mart i e representante di Union Oropeo Miroslav Lajcak lo biaha pa Belgrado i Pristina pa sigui ku e kombersashonnan, asina Borrell a indiká.

LAGA UN KOMENTARIO

Please enter your comment!
Please enter your name here