Den EXTRA su afan pa sigui informá komunidat i pa e aspekto di transparensia, entrante awe lo inisiá un un seri di artíkulo ku fragmentonan for di e Akuerdo di Gobernashon MFK/PNP pa e periodo di gobernashon 2021-2025. Aspektonan importante ku tin influensia riba desaroyo di tur tereno ku ta afektá di un forma òf otro henter e komunidat di Kòrsou. Un pueblo bon informá por opiná.

 (Teksto saka for di Akuerdo di Gobernashon MFK/PNP)

Seri 16 LEINAN DI KONSENSO i MANEHO PA ATENDÉ KU IMIGRANTENAN ILEGAL

LEINAN DI KONSENSO: E 5 leinan di konsenso (RW financieel toezicht CUR en SXM; RW Raad voor de rechtshandhaving; RW Politie CUR, SXM en BES; RW Openbare OM CUR, SXM en BES en RW Gem HvJustitie) entretantu a pasa e periodo di 5 aña i e evaluashon konforme e leinan mester tuma lugá.

  • Gobièrnu mester duna follow-up na e evaluashon aki teniendo kuenta ku e rekomendashonnan di e distinto instansia al respekto i presentá e resultadonan na Parlamento.
  • Lo mester averiguá si tabatin evaluashon di e leinan aki i si esei no ta e kaso ainda lo mester enkaminá e proseso pa yega na e evaluashon aki pa despues gobièrnu por duna follow-up i tambe raportá na Staten.

MANEHO PA ATENDÉ KU IMIGRANTENAN ILEGAL: Pa estranheronan ku ta na Kòrsou ku un pèrmit di residensia tin pa lei un maneho bou di responsabilidat di minister di Hustisia. En kambio pa estranheronan ku a drenta Kòrsou legal i despues keda aki ilegal i tambe esnan ku a drenta na un òf otro forma ilegal, di kual algun ta indokumentá, en buska di un mihó perspektiva ekonómiko mester desaroyá maneho pa esnan ku kier i por traha subi merkado laboral legalmente asina ku nan mes por kubri pa nan gastunan di vivienda, kuido médiko, paga belasting, etc. E maneho mester ta di tal manera ku e no ta hasi binimentu Kòrsou ilegal atraktivo, ni mara gobièrnu su man pa manda sierto estranheronan bèk nan pais a base di por ehèmpel nan mal komportashon òf intenshonnan kriminal.

 

 Seri 17 KONTAKTO KONTINUO KU POBLASHON

LAGA UN KOMENTARIO

Please enter your comment!
Please enter your name here