Den EXTRA su afan pa sigui informá komunidat i pa e aspekto di transparensia, entrante awe lo inisiá un un seri di artíkulo ku fragmentonan for di e Akuerdo di Gobernashon MFK/PNP pa e periodo di gobernashon 2021-2025. Aspektonan importante ku tin influensia riba desaroyo di tur tereno ku ta afektá di un forma òf otro henter e komunidat di Kòrsou. Un pueblo bon informá por opiná.

 (Teksto saka for di Akuerdo di Gobernashon MFK/PNP)

Seri 18 REFINERIA DI KÒRSOU

REFINERIA DI KÒRSOU

  • Lo sigui traha pa habri refineria mas pronto posibel.
  • Den kuadro di esaki lo kontinuá den un forma aselerá ku e negosiashonnan ku CORC.
  • En dado kaso ku lo no kontinuá ku CORC gobièrnu lo bai ‘head hunt’ un kompania pa operá e refineria i e ‘Oil Terminal’ na Bullenbaai.

BUSKABAAI NV

  • Lo hasi un inventarisashon di e benefisionan ku Kòrsou tabatin ku e kompania ku ta operá Buskabaai.
  • For di e evaluashon aki lo wak si ta sigui ku e kompania aktual òf ku lo bai buska otro kompania unda Kòrsou lo tin mihó benefisio.

GAS (na Emmastad)

  • E suministro di gas pa merkado lokal lo kai bou di Asuntunan General.
  • E tema di energia (Curoil NV i Aqualectra NV) tin un interes stratégiko pa Kòrsou i lo keda koordiná dor di MEO ku Asuntunan General i otro ministerionan. Esaki ta konta tambe pa importashon di gas pa distribuí ku islanan den Karibe i eksplorashon di petrolero i gas den nos supsuela.
Seri 19 mayan Ministerio di Desaroyo Ekonómiko (EO)

LAGA UN KOMENTARIO

Please enter your comment!
Please enter your name here