SEUL, SURKOREA, AP.- Surkorea a bisa djamars ku Norkorea a lansa tres misil balístiko den laman. Esaki ta pasa ocho dia despues ku e gobièrnu norkoreano a atvertí tokante “konsekuensianan físiko” kontra e atversario di sùit pa su desishon di implementá un sistema di defensa di míles pa enfrentá mihó menasa di Pyongyang.
E hefe di Estado Konhunto Sur Korea a señalá ku e misilnan balístiko di korto alkanse a keda lansá desde tera den oranan trempan di djamars mainta. Esaki a bula mas o ménos 500 pa 600 kilometer promé ku a kai den laman. Esaki ta sufisiente pa ataká e parti di sùit di Surkorea, kaminda Seul i Washington a disidí pa stashoná e sistema di defensa Aéreo di Gran Altitut, THAAD.
Surkorea i Merka a kuminsá kòmbersashonnan tokante implementashon di e sistema THAAD, despues ku Norkorea a realisá e di kuater prueba nuklear i lansamentu di un kohete di alkanse largu na komienso di e aña aki.
