Claudia Sheinbaum, presidente di Mexico.
CIUDAD DE MEXICO (AFP).- E presidente mehikana, Claudia Sheinbaum, a rechasá e impuesto di 25% riba produktonan mehikano ayera, segun e anunsio di Donald Trump. E impuesto ei ta konta pa paisnan ku kumpra petroli di Venezuela.
E mandatario a kritiká e represayanan nobo di Trump, kual nan lo drenta na vigor dia 2 di aprel. Pa e fecha ei tambe Trump lo presentá impuesto pa vários otro pais.
“Nos no ta di akuerdo ku nan ta pone sanshonnan ekonómiko na e paisnan, esei ta un prinsipio di polítika eksterior mehikano”, segun Sheinbaum a duna di konosé.
El a bisa ku tipo di medida asina “no ta afektá un gobièrnu òf un persona, sino ta afektá hinter un pueblo” i a rekordá ku Mexico semper a deklará su mes kontra di embargo ekonómiko di Merka kontra di Cuba.
Entre e mayor importadornan di krudo venezolano ta figurá China pero tambe India, Spaña i e propio Merka.
Venezuela ta enfrentá sanshonnan merikano ya pa vários aña, inkluso un buèlta nobo den yanüari ku a oumentá rekompensa pa informashon ku ta fasilitá e detenshon di presidente Nicolas Maduro i otro dirigentenan dje pais.
