WILLEMSTAD.- Den un ambiente di famia, konosí i patrosinadornan a tuma lugá e presentashon na Prensa di e 7 partisipantenan pa Miss Curaçao Teenager 2017.

Terrassa di PWFC Mutifunctional Services tabata esenario di un dekor den inspirashon Red Carpet pa asina risibí tur nos invitadonan di e anochi tan Glamuruso mané esaki.

E anochi a ser kondusí pa Tito Doran i kompañá pa e beyesa di Nicole Alexander ku por sierto a hasi un super bon trabou. Durante dje anochi a hiba palabra fundadó i produktor di IBFF, Aubs America huntu ku Miss Curaçao Teenager 2016 Fiona Martis.

Spònsernan ofisial a firma nan kontrato ofishal pa asina nan tambe por promové nan produktonan den e sertámen aki,

Mayornan a mustra nan kontentu di mira nan yunan kompletamente transformá i mas ku tur kos ser eduká den un esfera positivo den man di e diferente profeshonalnan ku a pone nan mes disponibel pa por duna un man.

E aña aki partisipantenan pa Miss Curaçao Teenager 2017 mester hasi un proyekto en kuanto a deporte ku yama ‘Sport and Smile’, patrosiná pa Changes i Colgate kaminda nan a haña un pelotero pa nan hasi un proyekto di nan bida profeshonal.

E partisipantenan a skohe nan órden di presentashon: 1. Nerissa George; 2. Angelle Curiel; 3. Jaysa Doorje; 4. Samantha Guzman; 5. Shakira Bito; 6. Xhyllienne Nivillac i 7. Micaella Pieter.

Pa otro siman e partisipantenan lo kompetí den ‘Gala of Beauty 2017’. Si bo no a kumpra bo karchi hasié awor serka tur partisipante òf na ofisina di IBFF.  ‘Gala of Beauty’ ta tuma lugá dia 21 di mei próksimo pa 7’or di anochi na PWFC Mutifunctional Services, situá na Post 5.

 

LAGA UN KOMENTARIO

Please enter your comment!
Please enter your name here