BUENOS AIRES, AP.- Ekiponan di reskate i voluntarionan argentino a salba seis di shete orka ku a subi un playa na sùit di Buenos Aires.
E orkanan a paresé den oranan trempan di mainta na kosta di e siudat Mar Chiquita. Un persona ku tabata kanando na e sitio a avisá outoridat lokal di loke el a mira, kende a organisá un operashon di reskate kaminda agentenan, bombero i biólogonan marino di dos akuario serka a partisipá.
Seis di e shete bayenanan a keda reskatá, pero e di shete bayena a muri na kantu di e playa, segun informashon di Prefectura Naval Argentina.
E grupo a señalá den un komunikado ku un boto lo kompaña e orkanan pa evitá ku nan ta bolbe desviá i subi playa.
E motibu pa desviamentu di e orkanan aki no ta konosí ainda. E sekretaria di Turismo i Medio Ambiente di Mar Chiquita, a bisa ku kisas nan a desorientá. Na promé instante no a detektá ku kisas nan por a bira malu. Outoridat lo investigá e bayena ku a muri na kantu pa determiná e posibel kousa.
