ORANJESTAD.-Polis di Aruba ta informá di otro aksidente di tráfiko fatal ku a tuma lugá. Ta trata di un aksidente ku a tuma lugá djamars pa mas o ménos 9:15 am. Sentral di polis a dirigí un patruya polisial pa Seroe Teishi. E promé informashon ta indiká ku un outo lo a bòltu i e Shofùr no ta reakshoná mas.
Mesora a manda ambulans tambe na e sitio. Na yega di polis enbèrdat a topa ku un Toyota Yaris kolo blou numerá A-69472 i e Shofùr den situashon grave. Ambulans ku tambe a yega a brinda e promé asistensia médiko pa despues stabilisá e víktima i hibe hospital ku urgensia máksimo.
Spesialista di tráfiko i polis tékniko a presentá pa hasi nan investigashon. Slachtofferhulp tambe a keda notifiká pa brinda sosten na e víktima i su famia. Awe mainta a drenta e informashon na polis ku 8:35 am e Shofùr a fayesé. Ta trata di e hóben Ronal Heredia Heredia nase riba 30-04-2008 (17 aña) na Repúblika Dominikana. Kuerpo polisial ta manda palabra di kondolensia i forsa na e famia di e defuntu.
Esaki a bira e di tres aksidente fatal den tráfiko di Aruba.
 e di 3 morto den tráfiko pa 2026 na Aruba){kind=link}