Shofùr di dòmtrùk sòru di eksigí pèrmit pa diabas

Atvertensia na shofùrnan dòmtrùk

WILLEMSTAD.- Siman pasá korte a trata e prome kasonan di tráfiko i medio ambiente pa e aña aki. Pa loke ta trata e kaso di medio ambiente ta asina ku un sospechoso a presentá dilanti korte akusá di ta koba i saka diabas di forma ilegal. El a haña un but di 3000 florin komo kondena.

Manera indiká ta siman pasa korte a kuminsá ku tratamentu di e tipo di kasonan menshoná. E kasonan mas remarkabel tabata e infrakshonnan di tráfiko ku morto den tráfiko komo resultado i un kaso di medio ambiente ku ta trata operashon di un landfill ilegal i kobamentu di diabas ilegal.

X-team ku ta konsistí di diferente ‘stakeholders’ di e diferente ministerionan i ku ta enfoká entre otro riba prevenshon, mantenshon di òrdu i investigashon di hendenan ku ta kousa shushedat a verbalisá un situashon di kobamentu ilegal di diabas na Groot Santa Martha. E sospechoso H.J. ku tin un landfill ilegal einan, ta sospechá di a koba diabas di forma ilegal den un área konservá i di a bende e diabas aki. Fiskal di Ministerio Públiko a eksihí un but di 3000 florin i hues a bai di akuerdo ku esaki. E desishon aki tin ku fungi komo un atvertensia na tur shofùr i doño di dòmtrùk. Trafikashon di diabas no por tuma lugá sin un pèrmit pa esaki. Shofùrnan i propietarionan di dòmtrùk mester kontrolá si esaki ta na òrdu promé, serka esnan ku ta duna nan e trabou. Mas detaye den edishon di EXTRA.

SHARE

LEAVE A REPLY