WILLEMSTAD – Un outo Volkswagen Golf koló pretu a aksidentá den un roi den Commanchestraat awe mardugá. Na momento ku polis a yega na e sitio no tabatin niun hende den òf serka di e vehíkulo. Tampoko no tabatin indikashon inmediato di unda e shofùr òf posibel okupantenan di e outo a bai. E outo a kibra un palu di lus promé ku a baha den e roi. Polis a konfiská e Volkswagen Golf pa investigashon, mirando ku e vehíkulo a kousa daño na e palu di lus i e persona ku tabata tras di stür no a keda na e sitio. Polis a trata e insidente komo un kaso di hit and run. Ademas e outo ainda tabata ku un plachi number bieu.
