…Polis na e sitio kaminda e atentado a tuma lugá ayera na Munich. Kantidat grandi di hende a keda alkansá pa e vehíkulo manehá pa un afgano…
MUNICH, Alemania (AFP).- Por lo ménos 30 hende a resultá herida den e siudat aleman di Munich, vários di nan gravemente, den un insidente perpetuá pa un afgano ku a solisitá asilo. Outoridatnan ta kalifiká e suseso komo un atentado.
E atake tabata kontra un multitut durante di un manifestashon konvoká pa un sindikato faltando poko dia pa elekshon parlamentario di 23 di febrüari.
Segun enkuestanan, e partido ultraderechista Alternativa pa Alemania (AfD) lo por haña 20% di votonan den e elekshon, ku lo ta dòbel di 2021.
E gobiernu sosial demokrat di Olaf Sholz, a anunsiá di lo hasi “tur loke ta posibel” pa ekspulsá mas afgano residente na Alemania i kondená pa hustisia.
“Esnan ku bin nos pais i kometé krímennan mester keda kastigá di forma severo i despues ekspulsá, ounke ta pa paisnan ku situashon difísil”, segun e ministerio di interior, Nancy Faeser, na e sitio dje insidente.
E sospechoso dje kaso a keda detené. Ta trata di un afgano di 24 aña ku a pidi asilo. E ta figurá den registro polisial pa robo i delitonan relashoná ku droga.
