…Presidente norteamerikano Donald Trump ku un menasa di forma direkto na palestinonan den Gaza…
WASHINGTON(AFP).- E presidente norteamerikano, Donald Trump, ayera a lansa un menasa kontra di Hamas i kontra hinter e poblashon palestino di Gaza, bisando ku nan lo topa ku morto si nan tin e rehennan tumá den e atake dje grupo islamita dia 7 di òktober di 2023.
“Na e poblashon di Gaza, un futuro bunita ta warda riba bosnan, pero esei lo no ta e kaso si bosnan tin e rehennan. Si bosnan hasi esei, bosnan ta morto”, segun e republikano a skibi riba Truth Social.
Den mesun rosea, e presidente di Merka a atvertí na e lidernan di Hamas ku nan tin un delaster oportunidat pa sali for di Gaza, oumentando e preshon pa e grupo palestino liberá e rehennan israelí.
“Mi ta mandando pa Israel tur loke nan tin mester pa kaba ku e trabou, ni un miembro di Hamas lo skapa si nan no hasi loke ami ta bisa”, segun e republikano a skibi.
“Esaki ta e delaster atvertensia. Pa e dirigentenan, awor aki ta e momento pa bandoná Gaza, miéntras ainda bosnan tin un oportunidat”.
