WILLEMSTAD.- 250 empleado di InselAir a haña nan retiro. Koleganan minister di Desaroyo Ekonómiko, VVRP i Finansa huntu ku e Komishon InselAir i management nobo di InselAir a hasi tur kos pa evitá esaki. Si no ta pa e esfuersonan hasi, InselAir lo a sera su portanan aña pasa, ku konsekuensia ku 600 mama ku tata di famia lo a bai kas nèt promé ku Pasku. Ta di lamentá ku den e estado ku e kompania ta awor aki, no por salba tur kupo di trabou pero a hasi máksimo esfuerso pa salba mas tantu ku ta posibel.

Minister Eugene Rhuggenaath ta bisa ku banda di salbaguardiá kupo di trabou tabata sumamente importante pa garantisá konekshon entre nos islanan pa evitá un gòlpi enorme riba nos ekonomia. Negoshi ku filial òf kliente riba isla bisiña lo a keda tera pa un par di luna tan ten ta buskando otro opshon. Tur otro opshon lo a tuma tempu pa organisá.

E bahada di tráfiko na nos airopuerto lo a afektá por ehèmpel entrada di belasting, trabou pa taksistanan, estadia den nos hotèlnan, negoshi di zona franca, pakusnan i asina hopi sektor mas.

“Komo minister di Desaroyo Ekonómiko mi ta para tras di mi desishon di yuda InselAir. No hasi nada no tabata un opshon i lo tabata iresponsabel” segun Eugene Rhuggenaath minister di Desaroyo Ekonómiko.

LAGA UN KOMENTARIO

Please enter your comment!
Please enter your name here