WILLEMSTAD.- Den e siman di 22 pa 28 di sèptèmber 2025 Fundashon Hèndikèp Ouditivo ta selebrá “Siman di Idioma di Seña”.
E tema pa Siman di Idioma di Seña 2025 aki na Kòrsou ta: “Mas ayá ku Silensio”. E tema poderoso akí ta enfatisá importansia di mira mas ayá di e mal komprendementu komun tokante pèrdidá di oido i pa rekonosé e eksperensianan riku, identidat i kontribushonnan di hende surdu den nos komunidat.
“Mas ayá ku Silensio” ta stimulá un komprenshon mas grandi di e manera diverso ku personanan ku un pèrdidá di oido ta komuniká, for di idioma di seña te na lesa lep, komunikashon skibí, i teknologia asistensial. E ta pone atenshon tambe riba e bareranan sosial, kultural i profeshonal ku hopi ku un pèrdidá di oido ta enfrentá, bogando pa un aksesibilidat mihó, inklushon i oportunidatnan igual.
E kampaña di e aña akí ta hasi un yamada na individuo, organisashon i komunidat pa bai mas ayá ku simplemente rekonosé pèrdidá di oido i traha aktivamente pa kambio ku tin signifikado.
Dor di promové Idioma di Seña, mehorá aksesibilidat na lugá di trabou, sigurá akseso igual na edukashon, i stimulá espasio públiko mas inklusivo, nos por konstruí un sosiedat kaminda personanan ku un pèrdidá di oido ta berdaderamente tende, balorá i empoderá.
SIMAN DI IDIOMA DI SEÑA 2025 ta un oportunidat pa tur hende pa reflekshoná, siña i tuma akshon, pasobra inklushon ta bai mas ayá ku simplemente kibra silensio. E ta trata di amplia bosnan historia i derecho.
E aña akí lo hasi uso di medionan sosial, korant i televishon pa pone atenshon riba e dia.
Tambe lo bai ta na Punda Vibe ku un stènt di informashon, lo bishitá un skol avansá i un ‘opvangschool’.
Ta klousurá e siman ku un Ban Topa / BBQ pa tur personanan ku un pèrdidá di oido.
