i ta selebrá ku aktividatnan kultural i partisipashon musikal
WILLEMSTAD.- Djadumingu awor 27 di sèptèmber lo tin selebrashon di e tradishonal dia di Sabaneta ku ta wòrdu selebrá na Chistoffelpark den kurá di Landhuis Savonet.
Parke San Kristòf lo ta habrí for di seis’or di mainta miéntras ku e selebrashon lo kuminsá pa diesun or di mainta. Apertura ofishal lo ta pa dos or i mèrdia i lo ta na enkargo di e parlamentario oriundo di Sabaneta Sr. Ruisandro Cijntje.
Lo tin músika di kaha di òrgel, un DJ i tambe Típiko San Mangó. Pa kuat’or di atardi lo tin aktuashon di Grupo Kompèr.
Pa esnan ku tin deseo di drai un kaha di òrgel Sr. Eric Meulens lo tei henter dia pa esnan ku ke purba drai e kaha di òrgel kompañá pa un tokadó di wiri.
Lo tin stèntnan ku lo bende matanan i artesania i tambe lo tin stèntnan ku lo bende kumindanan tradishonal manera mangusá, Vlatapa, arepa di pampuna i di maishi, yòrki stobá, karni sa, sòpi di yuana i balchi di yuana, i tambe kabritu stobá i sòpi di kabritu. Tambe lo tin un grill pa esnan ku skohe esaki. Un i tur ta bon biní, entrada pa e dia lo ta liber.
