WILLEMSTAD.- Si ‘DEN E BEMBE’ por rekomendá bu pa bai wak algu, ta paso el a disfrutá di esaki i ta haña ku ta bale la pena pa bo tambe disfrutá di dje.

For di djaweps último te ku ayera nochi e públiko ku a presensiá e konsierto di poesia i kanto di Francis Sling titulá ‘F* Perfect’ a bandoná Skalo yená ku mensahenan di bida ku Francis a kompartí durante di su presentashon.

E promoshon di ‘F* Perfect’ a hasi menshon di 12 poesia ku Francis a skibi den temporada di ‘lock down’ i ku awor lo e presentá esaki ku kompañamentu musikal. Loke e promoshon no a bisa bu ta ku lo bo forma parti di un grupo chikí di mas o ménos 50 persona ku lo tin e oportunidat di disfrutá di un presentashon den un sala dekorá ku su artenan kaminda Francis ta konta kon el a yega na kada poesia ku el a skibi i alabes kompartí su manera di mira bida.

Durante di su presentashon e ta laga bu mira e realidatnan di bida hasiendo un presentashon na hulandes kombiná ku papiamentu i huntu ku esaki un presentashon musikal ku un trio di músiko riba piano, bas i drùmsèt, miéntras un grupo di 8 dama ta forma e koro pa e presentashon.

Un show bon balansá ku diferente komposishon ku ta relatá Francis su bida, pero ta pone un spil tambe bo dilanti pa bo realisá ken bo ta i kiko mester ta bo motivashon diario.

‘DEN E BEMBE’ ta spera ku Francis Sling i su tim di produkshon logra pa organisá mas presentashon pa dje forma ei duna mas hende e posibilidat pa por disfrutá di ‘F* Perfect’. Riba foto dos momentu durante di Francis su presentashon.

Potrètnan pa kortesia di IX LifeStyle.

LAGA UN KOMENTARIO

Please enter your comment!
Please enter your name here