Trahadonan Wit Gele Kruis den akshon hinter dia

WILLEMSTAD.-Trahadónan di Wit Gele Kruis ta pafó, esta riba plenchi di e ofisina di Wit Gele Kruis. For di mainta trahadónan i dirigentenan sindikal di CBV ta den un akshon mustrando malkontentu e.o pa negosiashon riba CAO ku no a kuminsá. A pone ultimatum pa e direktor pero e gerente ta bisa ku no ta e so ta disidí.

Den oranan di mainta e lider sindikal a bisa ku nan ta kla pa negoshá i p’esei nan no ta move for di e lugá di parker di Wit Gele Kruis.

EXTRA a tuma nota ku e direktor a keda para pafó i tuma nota di e akshon di trahadónan. E sindikato a entregá un karta pa haña kontesta di e direktor pa loke ta trata derecho di e trahadónan.

E lider sindikal sra. Mathilda na dado momento a bisa ku minister Silvania lo a publiká ku Wit Gele Kruis tin sufisiente sèn pa habri CAO .

Sindikato CBV a keda insistí riba e direktor ku e pregunta pa haña kontesta si e direktor ta dispuesto . A blòkia e porta di manera ku e direktor no por a sali pa bai ofisina di mediadó.

LAGA UN KOMENTARIO

Please enter your comment!
Please enter your name here