JOST, AFGANISTAN, AFP.- Por lo ménos sinku persona a muri i mas di 30 a keda heridá den un atake violento ku tres atentado suisidio i un tiroteo den un base polisial na ost di Afganistan, na frontera ku Pakistan, segun informashon di outoridat djamars.
“Algun terorista a laga un outo kargá ku eksplosivo eksplotá serka di un edifisio di forsa spesial di polis den siudat di Jost”, segun indikashon di Tariq Arian, un bosero di e ministerio di Interior.
Dos atentado a sigui despues di e karga, inkluyendo un tiroteo ku a dura nuebe ora entre shete asaltante i forsanan di seguridat. E atakantenan a muri segun deklarashon di Daud Tarajil, e hefe di polis di Jost.
Sinku polis a muri i 33 mas a keda heridá, inkluyendo nuebe sivil segun indikashon di Tarajil.
Afganistan a registrá un oumento den insidentenan violento, miéntras taliban i gobièrnu a kuminsá ku kombersashonnan di pas na Doha pa pone fin na dékadanan di guera. E kombersashonnan ta stanká.
