DAMASCO, Syria (AFP).- Multitutnan sirio ayera a selebrá kaida dje presidente Bashar al Asad, derotá pa un ofensiva fulminante di gruponan rebelde liderá pa islamitanan ku a pone fin na mas di mei siglo di gobièrnu dje dinastia fundá pa Hafez al Asad.
Al Asad, ku a dirigí Siria ku mannan di heru for di su yegada na poder 24 aña pasá, a baha i a bandoná e pais, segun Rusia ku ta su aliado prinsipal. Rusia a konsedé ásilo.
Desena di persona a drenta den e luhoso residensia di Bashar al Asad den Demasco, e kapital. A kibra tur kos den kas dje mandatario, kende a a sigui su tata Harez al Asad ku a goberná e pais di 1971 pa 2000.
“M’a bin pa tuma vengansa, nan a oprimí nos di forma teribel”, segun Abu Omar, un sirio di 44 aña. “Mi no tin miedu mas”.
Un sala di resepshon dje palasio presidensial, situá den un otro bario, a keda sendé na kandela, meskos ku otro edifisionan.
E aliansa rebelde liderá pa islamitanan di Hayar Tahrir al Sham (HTS) a dekretá toke de keda den Damasco for di 16.00 te ku 05:00 di awe.
E lider islamita dje koalishon rebelde, Abu Mohamed al Jolanmi, a yega Damasco djadumingu. Vidionan riba retnan sosial a mustra ku el a keda risibí pa un multitut ku tabata grita “Allah Akbar” (Dios ta grandi).
Hendenan a sali riba kaya pa selebrá kaida di gobièrnu. Potrètnan a mustra hendenan trapando riba e estatua di Hafez al Asad.
“Siria ta di nos, no di famia Asad!”, segun gritunan riba kaya.
