WILLEMSTAD.-Un kantidat mas grandi di trahadónan den enseñansa a presentá awe atrobe na sede di Sitek na Kura Piedra. Esaki a bira e di dos dia ku dosentenan a kanta wèlga buskando solushon pa problema pa situashonnan insigur pa muchanan, dosentenan i otronan ku ta riba tereno di skol. E kaso di djabièrnè último kaminda den pleitu di studiante un dosente a keda herida a bolbe lanta un diskushon hopi serio atrobe. Lamentablemente ta kada bia ora algu serio sosodé ta bolbe papia di buska solushon.
Plantjin a proponé pa vota: e karta ku a manda pa gobièrnu pa gobièrnu traha un dekreto pa garantisá seguridat den skolnan. Na nòmber di maestronan Sitek a disidí ku no ta partisipá na e reunion di 2’or mèrdia pa djamars 22 sèptèmber.
