SITEK: Karta pa gobièrnu pidiendo kontesta pa atendé agreshon na skol

Dosentenan ta sklama pa protekshon na skol

WILLEMSTAD.- Agreshon den skolnan, sea verbal òf físiko ta un asuntu sumamente serio. Na sede di sindikato Sitek, bastante dosente a reuní awe djaluna, for di mainta te mèrdia. E dosente ku a haña kòrtá djabièrnè último na e skol, na momentu ku alumnonan a bringa i a saka kuchú pa otro a splika su koleganan kiko a pasa anto dikon ta importante pa atendé e situashon i tuma medida.

E dosente a splika ku e hóbennan ku e komunidat ta produsí awendia ta otro. E nivel di agresividat ta hopi haltu. Na un skol kaminda tin dosente maskulino por intermediá den pelea anto asina mes ku un riesgo haltu. Ta kon lo ta na un skol kaminda ta yùfrounan so?

Mas despues un yùfrou di skol, porsierto penshonado ku a sigui traha ora ku direktiva di skol a pidié pa sigui traha, a splika e diferente susesonan ku e a eksperensia. E último ta di mart 2026, kaminda mayor ta agredí e yùfrou na algun okashon anto ni maske e dosente pidi asistensia di kabes di skol i otronan nada no ta pasa. Awendia e yùfrou tin un kondishon di salu debí na e kaso di mart último anto pa kolmo e mester bai terapia ku e mester paga. Te awe direktiva di skol no a buska su drechi pa wak kon a sigui kuné, pero na momentu di e situashon ku e mayor kabes di skol i direktiva di skol ta preokupá pa nòmber di e skol den publisidat.

Sitek ta manda un karta pa gobièrnu, pidiendo kontesta pa awe mes. Mas detaye den edishon di EXTRA.