Situashon sumamente tenso den kapital di Bolivia e dianan aki. Polis i militarnan a blòkia kaminda pa manifestantenan no por yega na sede di gobièrnu.
LA PAZ, Bolivia (AFP).- Manifestantenan i polis anti motin a enfrentá otro ayera na Bolivia, miéntras ku manifestantenan tabata sigui purba pa yega na kapital polítiko di Bolivia. Nan ta eksigí e renunsia dje presidente sentro derechista Rodrigo Paz.
Moviendo den huma di gas, e manifestantenan a tira ku opheto kontra di militarnan i eksplotá kartuchanan di dinamit ku ta keda usá den mineria. Paz, ku apénas seis luna na poder, ta hinká den un huki ku un ola di protesta apesar di su yamada pa diálogo i anunsio ku lo e skucha e sektornan sosial, ku ta reklamá un salida for dje pió krísis ekonómiko dje pais den kuarenta aña.
“Renunsiá, karamba”, segun e gritunan di kampesinonan, obreronan, trahadónan di mina, ademas di shofùrnan i maestronan di skol den kayanan di La Paz.
E manifestantenan, hopi di nan kargando banderanan indígena, a purba avansá ku gritu i bochincha. Periodistanan di AFP a mira por lo ménos tres detenshon. Seis luna di gobièrnu i nan no por a solushoná algu básiko, e preis di pakete di kuminda pa famia. Nos mester eligí entre kumpra karni òf kumpra lechi”, segun Melina Apaza (50).
E akseso pa Plaza de Armas, dilanti di palasio di gobièrnu, a keda será i ta keda vigilá pa algun shen polis anti motin.
E reklamo a inisiá pa oumento di salario, kombustibel di kalidat, stabilisashon e ekonomia -inflashon tabata di 14% den aprel. Awor e manifestantenan ta pidi salida dje mandatario, ku a pone fin na 20 aña di gobièrnu sosialista liderá pa Evo Morales (2006-2019) i Luis Arce (2022-2025).
I truly sympathize with this difficult situation in Bolivia. Sometimes, the pressures of life can make us overwwhelmed. But I believe that even small steps can create big changes. Let’s go through this together, driving directions