WILLEMSTAD.- Habitantenan di Dominguito ke un splikashon di loke ku e kontratista ta trahando riba kaminda na altura di Plasa Cesario s. Camelia. E habitantenan a bisa di por a tuma nota ku e situashon di tráfiko a kambia aki nan, i sierto parti di e kaya ku tabata via di 1 direkshon awor a bira via di 2 direkshon. Pero loke ku mas ta hala atenshon ta e kosnan ku e kontratista ta trahando mei mei di kaminda, kual ta formando un peliger pa e tráfiko. Esaki sigur ta kousando hopi konfushon na e sitio, i habitantenan ta duna di konosé ku e kantidat di aksidente na e sitio a subi konsiderablemente.
