WASHINGTON (AFP).- Gobièrnu di Donald Trump a anunsiá ayera di a amplia e lista di paisnan di kua nan siudadanonan, si nan ke biaha pa Merka, mester depositá un fiansa di US$ 15.000. E medida akí, ku ta keda apliká pa visanan di negoshi i di turismo, pues no pa inmigrantenan, ya ta afektá 38 pais i awor lo keda ekstendé ku diesdos mas, entre nan Nicaragua i Grenada.
E programa a keda lansá aña pasá ku e meta pa frena e kedamentu prolongá ku ta bai mas largu ku e periodo pa kua a haña outorisashon. Esaki komo parti dje ofensiva di Trump kontra di inmigrashon ilegal.
E fiansa ta keda debolbé si esun ku a risibí e visa regresá su pais den e término establesé òf si finalmente e no hasi e biahe. Pa manda bèk un inmigrante ilegal ta kosta Merka den kareda di 18.000 dòler, segun Departamento di Estado.
Ademas di Nicaragua i Granada, e paisnan ku tambe ta drenta den e programa ta: Camboya, Etiopía, Georgia, Lesoto, Mauricio, Mongolia, Mozambique, Papúa New Guinea, Seychelles i Túnesia. Di Amérika ya a keda inkluí Venezuela i e karibensenan Antigua and Barbuda, Cuba i Dominica.
Entre e 38 paisnan ku for di un prinsipio t’aden, e gran mayoria ta di Afrika.
