…Trabounan ta tuma lugá na Villa del Rosario, parti nort dje provinsia Santander, kaminda ku rebeldenan a pone eksplosivonan rementá…
CUCUTA, Colombia (AFP).- E siudat di Cúcuta, esun mas importante di Colombia na frontera ku Venezuela, ayera nochi tabata bou di toke de keda debí na e violensia dje guera ELN, ku a realisá kuater atentado ku eksplosivo.
E region ta blanku di violensia for di medio yanüari, relashoná ku un guera di rebeldenan pa e kontròl di narkotráfiko. E situashon ya a laga mas di 60 morto, 50.000 hende ku a bandoná nan kas i hopi miedu den e pueblonan.
E alkalde Jorge Acevedo a anunsiá ku ademas di toke di keda, lo no tin skol den e siudat.
Djárason anochi, Cúcuta i su bisiña Villa del Rosario a keda ataká dor di “Ejército
de Liberación Nacional” (ELN). E rebeldenan a pone bòm den un outo i a laga esaki eksplotá miéntras ku tambe a detoná eksplosivo den tres sentro polisial.
E atakenan a laga seis morto, segun sifranan ofisial.
E region t a sufri na man di gruponan kriminal manera ELN ku ta keda finansiá ku sèn di narkotráfiko, mineria ilegal i ekstorshon.
Serka di e sitio ei, den Catatumbo, gueria di iskierda ta enfrentá disidentenan di FARC den un disputa sangriente pa e kontròl di e zona aki ku ta stratégiko pa produkshon di kokaina.
