WASHINGTON, AP.- Pa promé biaha den un siglo e mayoria di siudatnan grandi di Merka ta krese hopi lihé ku suburbionan, ta pasó hóbennan adulto ta buska di biba serka di nan trabou i evitá di kumpra kas pafó di siudat den un tempu di hopi desempleo. Nan ta opta pa biba den sentronan di siudat hopi drùk. Estimashonnan di senso 2011 ta mustra riba e kambio dramátiko aki.
Enkabesando e resurgimentu di e siudatnan tin e hóbennan adulto ku ta retrasá nan karera, matrimonioieyunanna rais di e desempleo haltu. Ku debenan haltu di universidat òf ku trabounan temporal òf den posishon di pago abou, nan ta preferá di biba den un departamentu sin kompromiso di largo plaso ni ku nan mester ta mara na transporte públiko i mas serka posibel di nan posibel trabou, na lugá di kumpra òf biba den un kas den suburbio.
