WASHINGTON, AP. – Shete sòldat di ehérsito i dos infante marina di Merka lo haña kastigunan atministrativo pero lo no enfrentá kargonan penal pa nan partisipashon den e skandal di prostitushon di Servisio Sekreto na Colombia e aña aki, asina The Associated Press a informá.
Funshonar ionan di gobièrnu a bisa djarason ku un miembro di forsa aéreo a haña desishonnan i awor ta wardando riba e desishonnan final di dos marina.
E Komando Sur a hasi e investigashon riba e partisipashon di militarnan den e insidente di aprel, ku a bergonsá forsa di élite di protekshon presidensial. E miembronan militar tabata apoyando e Servisio Sekreto preparando pa e bishita di presidente Barack Obama na Colombia.
E funshonarionan a papia ku kondishon di keda anónimo debí ku no a saka e resultadonan ainda. Ta antisipá ku e funshonarionan militar lo informá miembronan di Kongr e so r iba e resultadonan di e investigashon.
