Skempi Top 30 riba HITradio 915

WILLEMSTAD.- For di djasabra awor, 12 di òktober riba HITradio 915 bo por sintonisá for di 4’or pa 6’or di atardi e transmishon dje Tòp 30 di e éksitonan di Kòrsou den ‘Skempi Tòp 30’.
E plataforma ‘online’ ku ta karga ku e éksitonan mas nobo di hitnan musikal di Karibe ta presentá su lista riba tur djasabra.
Segun, Joris Reer, station manager di HITradio 915, Skempi ta pèrkurá pa e úniko kos ku e radio emisora tabata falta. ‘Riba HITradio 915 bo ta skucha dia den dia’fo tur e éksitonan mas popular di momentu. Ku ‘Skempi Top 30’ nos ta kompletu awor i e oyente ta keda na altura di tur loke ta éksito lokalmente. Mi ta hopi orguyoso di HITradio 915, komo úniko emisora na Ulandes riba e isla ku ta brinda e artistanan lokal manera, Gentz, Jeon i Menasa un tarima’.
‘Skempi Tòp 30’ ta basa riba e kantidat di ‘streams’ ku e último éksitonan risibí semanalmente. Segun Boudino de Jong, gerente general di Skempi ‘ku e plataforma digital nos ta yega míles di persona diariamente, ku e posibilidat di pone e Top 30 riba e HITradio 915 nos ta spera di por amplia nos kantidat di siguidónan’.
Ront Korsou por sintonisá HITradio 915 via di 91.5FM i por siguié tambe via di www.hitradio915.com

SHARE

LEAVE A REPLY