E kanal di Ormuz ku awor a bira asina konosí rònt mundu. Blokeo dje kanal di parti di Merka ku Israel ta pone ku preis di kombustibel ta ‘sky high’ rònt mundu.
TEHERAN (AFP).- Guardiannan di Revolushon iraní ayera a desafiá Merka pa eligí entre un operashon militar “imposibel” òf un “mal akuerdo” ku Teheran, despues ku e presidente Donald Trump a menospresiá e último proposishhttps://extra.cw/wp-admin/post-new.phpon di Iran pa pone fin n’e guera. E situashon entre e dos paisnan ta sigui stanká for di 8 di aprel ora ku a stòp ku e bombardeo, despues di kasi 40 dia di atakenan israelí i norteamerikano riba Iran i di represayanan di Teheran den e region.
E esfuersonan diplomátiko no a logra reaktivá e negosiashonnan sin éksito ku a tuma lugá na Islamabad dia 11 di aprel debí na diskrepansianan profundo riba temanan manera e blokeo dje kanal di Ormuz òf e programa nuklear di e repúblika islamita. Pa duna un oportunidat nobo na diálogo, Teheran a presentá un proposishon revisá na Washington, ku ya a respondé via di Pakistan -ku ta aktua komo mediadó- segun diplomasia iraní a informá ayera anochi.
“Nos ta eksaminando esaki i lo formulá respuestanan adekuá, segun e bosero di ministerio iraní di Relashonnan Ekserior, Esmail Baqai. Snembargo, djasabra e presidente norteamerikano a pone na duda riba e posibilidat pa aseptá e proposishon iraní.
“Mi no por imaginá ku nota aseptabel, pasobra ainda nan no a paga un preis sufisientemente haltu pa loke nan a hasi na humanidat i na mundu den e último 47 añanan”, el a bisa riba su website Truth Social
Ayera, den un komunikado difundí pa televishon públiko, e Guardiannan di revolushon iraní a afirmá ku “e márgen di maniobra di Merka a loke ta trata sumamente di desishon a keda redusí. “Trump mester eligí entre un operashon imposibel of un mal akuerdo ku Republika Islamita di Iran”, segun nan a insistí.
E organisashon aki a menshoná un “ultimatum” iraní riba e blokeo norteamerikano di hafnan iraní i un “kambio di tono” di China, Rusia i Europa relashoná ku Washington.
E agensia Tasnim ayera publiká ku Teheran ta eksigié e retirada di forsanan norteamerikano for di zonanan serka di Iran, tambe pa kita e blokeo di e hafnan komo tambe konhelashon di aktivonan iraní, e pago di indemnisashon, lantamentu di sanshonnan i “fin di guera, inkluso Libanon”.
