…Nos ta drenta e luna kaminda hóbennan ta kuminsá prepará pa nan biahe pa estudionan mas avansá. Sea ta na Kòrsou mes, segun region, na Merka òf na Ulanda nos hóbennan tin di sali for di nan kas, for di nan zona di konfortabilidat, bandoná nan famia i amigunan i pa sigui traha riba nan futuro. Komo un ehèmpel nos tin awe e hóben Ro-Anne Trinidad. Ku 25 aña Ro-Anne Trinidad ta Basis Arts. Ro-Anne a terminá MIL na Kòrsou i despues di 6 aña i mei e tin su diploma di dòkter básiko. Ro-Anne a kaba di kuminsá traha na un konsultorio pa mucha na Utrecht. E ta hasi loke e kier a hasi semper esta traha ku mucha.



Kon bin medisina

Ro-Anne a konta Djasabra ku el a skohe pa bai studia medisina despues ku su ruman chikí a nase ku un defekto na su kurason. El a interesá den e malesa i el a buska informashon i a keda entusiasmá pa traha den e direkshon ei. E ta gusta mucha i el a sigui henter e proseso di operashon di su ruman i el a skohe ku e tambe ke yuda otro muchanan i kon mihó si e siña den direkshon di medisina.

Tabata hopi interesante kon el a bai studia. Tempu e kier a bai studia ‘geneeskunde’ tabata un ‘looting

studie’. Via di eksámen komis aki na Kòrsou tabatin tambe ministerplaats. I pa antia tabatin 8 lugá disponibel. Ro-Ann tabata un di e tiki nan ku tabata sa delantá kua siudat e lo bai. El a bai studia Leiden i el a biba na Leiden tambe. Ro-Anne a splika ku den e promé 3 aña ta bachelor i despues 3 aña master i por bai diferente departamento i asina bo ta bira basis arts. I despues tin e direkshon médiko pa bira un spesialista den medisina i tin e ‘sosiale geneeskunde’ i ku esei por traha komo ‘bedrijfsarts’, pa seguro i el a skohe e direkshon ei i spesialisá den hóbennan di 0 pa 18 aña.

Den prinsipio ku Ro-Anne a disidí di bai studia den direkshon di medisina pa mucha, su preferensia tabata pa mucha di 0 pa 4 aña pero despues el a a amplia esaki di 0 pa 18 aña. Segun el a splika Djasabra el a hasié asina pasobra na Kòrsou e no por a haña masha informashon di mucha di 0 pa 4 pero mas amplio i p’esei el a skohe te 18 aña pa asina dia e disidí ku e ke bin traha na Kòrsou e tin tòg un bista mas amplio.


Ta fásil pa traha ku mucha

Riba e pregunta aki, Ro-Anne a pensa un poko pa despues e kontestá ku no ta difísil traha ku mucha pasobra ora ta traha komo dòkter spesialisá den mucha no ta e mucha so bo ta traha kuné pero tur loke ta rondon’é i den esei tambe su mayornan. I mas chikí e mucha ta, mas duru e trabou ta bira pasobra si ta ‘medische geneeskunde’, bo ta traha ku hende grandi tambe. Den ‘geneeskunde’ ta e kontakto ku e persona i si ta mucha so bo ta traha kuné, bo tin di gana na promé lugá e konfiansa di ámbos mayor pasobra kiko ku bo ke hasi bo mester tin aprobashon di e mayornan.


Próksimo paso

Awor aki Ro-Anne ta bai spesialisá den e estudio di ‘jeugdarts’ ku ta 4 aña i ora e terminá esei e ta analisando si e ta keda traha un tiki mas na Ulanda òf bin Kòrsou bèk. Awor aki e ta trahando ku muchanan di 0 pa 4 aña na Utrecht pa un aña i despues e ta drenta estudio i asina e por hasi e aña di 4 aña di estudio pa hóben di 0 pa 18 aña.

Ro-Anne a pasa su estudionan den e tempu ku e mester a pas’é, loke a yuda ta ku e tabatin un meta esta kaba i kiko ku a bin pa stroba e ta skùif un banda. I e nokier a dura pasobra e tambe a tende di hóbennan ku a dura largu den nan estudio i el a pone su meta pa logra su estudio den e tempu stipulá.


Tene kuenta

“Ora bo ta bai Ulanda, region òf na Kòrsou mes na kualke universidat tene kuenta ku e

sistema di skol sekundario pa mas avansá ta kambia i bo tin di keda kere den bo mes. Ta bin pa hende ku ta keda bi kosnan a desviá i p’esei mester tin e  siguransa den bo mes pa sigui dal bai apesar di tur loke bin den kaminda. Si bo no tin meta bo ta hasi kos djis pa hasi i si bo tin meta tene bo mes na dje”.

No tabata ni un tiki fásil pa Ro-Anne adaptá su mes na Ulanda. Hopi hende ta pinta Ulanda

‘rooskleurig’ pero e tabatin’e difísil. E ta na Ulanda i ta na Ulanda ainda pa loke Ulanda tin di ofresé. Na prinsipio ta su estudio, awor trabou i despues mas estudio i ora e ta kla e ke bin Kòrsou bèk. Ro-Anne ta kere ku ora e ta serka di kaba su estudio e lo traha su kaminda pa e bin Kòrsou bèk. Ro-Anne definitivamente no ke keda Ulanda.

Konseho pa hóbennan

“E loke bo ta hasiendo awor aki ta pa bo mes bo ta hasié. Pues no ta a bo mama, tata, wela i niun. Nan tabatin nan chèns pa skohe kaba. Sigui bo kurason. Skohe e kos ku ta pone kurason bati (skipped a beat), e kos ku ta hasi bo kontentu. Si bo tin un lucha pensa dikon esei i si bo kontesta ta pa bo mama i tata pensa kiko bo mes ke pasobra ta algu pa restu di bo bida”. Ro-Anne a bisa ku palabranan firme.

LAGA UN KOMENTARIO

Please enter your comment!
Please enter your name here