Atvertensia pa direktor di Banko Sentral sra. Matroos-Lasten

Hunta di komisario a tuma desishon

WILLEMSTAD.- Hunta di komisario di Banko Sentral di Kòrsou i Sint Maarten a tuma desishon den kaso di e direktor sekretario sra. Leila Matroos-Lasten RA. Manera ta konosí e hunta di komisario (rvc) a duna enkargo pa inisiá un investigashon independiente dia 19 di aprel 2019, den kua a laga investigá e echonan relashoná ku dunamentu di informashon na minister di finansa na mart 2019.

Den kuadro di e investigashon a duna oportunidat na tantu e direktor finansiero ekonómiko dr. Jose Jardim komo e direktor sekretario sra. Leila Matroos-Lasten pa nan por duna nan parti na e investigashon kon kosnan a kana den e kas spesífiko.

Rvc a enkargá e departamentu di ouditoria interno di Banko Sentral (IAD) pa atendé ku e investigashon aki. Seguidamente a laga un konsehero hurídiko eksterno evaluá e ouditoria. Dia 20 di mei último RVC a manda a rapòrtnan pa e hunta di direktiva, esta e gerensia di Banko Sentral i einan ámbos a duna nan punto di bista.

Despues di studia e komentario i punto di bista di ámbos miembro di gerensia, e hunta di komisario di Banko Sentral a tuma desishon dia 13 di yüli último pa duna un atvertensia na sra. Matroos-Lasten.

Na opinion di e hunta di komisario, konfidensialidat, integridat ta balornan sumamente haltu den bandera di e instituto i niun momentu no por permití ni un duda rondo di esakinan. Mas detaye den edishon di EXTRA.

 

SHARE

LEAVE A REPLY