WILLEMSTAD – Polis di Punda a topa un skuter ku tur probabilidat prosedente di ladronisia den Vischsteeg, un kaminda di banda di Nieuwestraat. Segun informashon ku EXTRA a risibí, polis a presentá na e sitio despues ku a haña notifikashon ku tin skuter para straño den e kaya. Ta sospecha ku e skuter ta prosedente di ladronisia. Tantu personal di TFO komo Team di Joyriding a presentá na e sitio pa hasi e investigashon nesesario. Finalmente polis a konfiská e skuter pa sigui ku investigashon. Te na e momentu aki no tin informashon si tin algun persona detené relashoná ku e kaso.
