WILLEMSTAD.- E kompania di aviashon di Sürnam, SLM den un informe ta indiká na pasaheronan pa tene kuenta ku posibel kanselashon òf tardansa di buelonan ku ta bai Aruba i Kòrsou pasobra e espasio aéreo di Kòrsou ta será (red. opviamente SLM no a tuma kontakto ku outoridatnan di Kòrsou promé ku emití e informe aki)
Segun SLM, asina ku e espasio aéreo di Kòrsou ta habri atrobe lo kontinuá ku e skema di buelo normal. Mientrastantu SLM ta sigui e situashon den region hopi di aserka i ta den konsulta ku outoridatnan di aviashon di Kòrsou i Aruba. Ta sugerí tur pasahero pa keda monitor e kanalnan di komunikashon ofisial di SLM pa haña e informashon korekto di kada buelo.
