PARIS, AP.- E eks kontratista di e Agensia merikano di Seguridat Nashonal Edward Snowden, kende a filtra informashon klasifiká tokante programanan di spionahe di gobièrnu a pidi presidente di Fransia, Emmanuel Macron pa dun’é asilo.
Snowden kende ta biba na Rusia pa evitá ku Merka ta persiguié, a insistí den un entrevista ku “e protekshon na un informante no ta un akto hostil” i e ta kere ku e ta kumpli ku e rekisitonan pa haña status di protekshon na Fransia.
Snowden a pidi asilo sin éksito na aña 2013, durante gobièrnu di e predesesor di Macron, Francois Hollande. El a pidi asilo na vários pais mas.
E biografia di Snowden, kende a konta e historia di su bida pa promé biaha den detaye, lo publiká esaki na 20 pais awe, inkluyendo Fransia.
E presidente Franses no a duna komentario.
