NEW YORK, AP.- Dos aña pasá Sofia Vergara a konfesá ku el a kuminsá aktua paso e kier a gana sèn. Awe e aktris kolombiano di “Modern Family” ta e aktris mihó pagá di televishon merikano.
“Nunka mi a kuminsá ku aktuashon pensando ku mi lo bai gana ningun tipo di premio òf ku lo mi wòrdu nominá na nada. Mi tabatin hopi gana pa a bai bon ku mi, mi kier a gana sèn. Mi ta sorprendí ku hende ta gusta e personahe asina tantu”. Asina e aktris a bisa dos aña pasa na AP despues di a keda nominá na Globo de Oro pa su papel di Gloria den e komedia eksitoso Modern Family.
Vergara ta enkabesá e lista di aktornan mihó paga na Merka publiká djarason pa e revista Forbes.
Segun e publikashon, el a haña ganashinan di 19 mion dòler den e último aña.
E aktris proveniente di Baranquilla a superá e sensashon di realidat Kim Kardashian, kende a suma 18 mion dòler i tambe Eva Longoria di orígen mehikano ku a suma 15 mion den e mesun periodo.
