WILLEMSTAD.- Rei di Tumba Hubenil 2019, Sontje Mercelina, djárason último a hasi un bishita na Kazèrne di Suffisant. Den e área di ‘onderofficiersverblijf’ Sontje a interpretá su tumba ganadó ‘Solda di Karnaval’ pa e militarnan aspirante di Kòrsou i Aruba i un grupo di milisia veterano di e organisashon ‘Ban Huntu’.
Ku e palabranan ‘Mi ta un solda ku ta tur ora kla pa traha’, saka for dje komposishon ‘Solda di Karnaval’, Sontje ta un embahador pa tur e trabounan ku Defensa di e área Karibense i su trahadónan ta hasi.
Komo muestra di apresio Luitenant, William Plaate di Milisia di Kòrsou a hasi entrega di moneda ofisial di Kazèrne Suffisant. Riba foto algun momentu durante dje bishita di Sontje na Kazèrne di Suffisant. Potrètnan pa kortesia di Niels van Fessem.
