WILLEMSTAD – Sorsaka Bikers a organisá Sorsaka Challenge 2025 dia djasabra 7 di yüni i djadumingu 8 di yüni. Esaki tabata un gran éksito, segun organisashon. E kompetensia tabata habri pa siklistanan di tur nivel i eksperensia. Andy Hollander di Sorsaka Bikers ta splika Extra ku tabatin kantidat grandi di stilistanan for’ Kòrsou, pero tambe fo’i Boneiru i Aruba, ku a partisipá. Djasabra 7 di yüni e kompetensia tabata pa siklistanan di baiskel di seru i a tuma lugá den área di Jan Thiel. Djadumingu 8 di yüni tabata pa siklista di baiskel na Punda. Segun Hollander hopi fanátikonan a bin Punda pa disfrutá e evento komo públiko.
Segun Hollander e Challenge tabata un éksito rotundo i e organisashon a kuminsá ku preparashon pa 2026 kaba. Ganadó den kategoria di hende hòmber ‘Overall winners’ tabata Karim Alders, Ganadó Kategoria Master A: Tony Laman, Ganadó Master B: Patrick van Rooij, Ganadó Master C: Rinke Karman i Ganadó Master D: Rijmie de Leeuw. Ganadó Ladies 18+: Lieke van der Draaij, Ganadó Beginner Male: Michael Aronna, Ganadó Beginner Female: Lisa Servage, Ganadó Open Class Male: Jose Fernando Alvarez i Ganadó Junior 17/18:Max Bakker.
