Sospechoso den kaso di atrako detené

WILLEMSTAD.- Kontinuando ku un investigashon relashoná ku un kaso di atrako ku a tuma lugá dia 23 di aprel 2019 na un kantor di number riba Vondelstraat, polis a detené un hòmber sospechoso.

Awe mainta alrededor di dies pa seis di mainta di mainta, personal di Atrako Tim a tene un entrada hudisial den un kas na Kaya Hose i Naña i a detené e hòmber M.C.M.S., di 23 aña di edat komo sospechoso den e kaso ariba menshoná.
I na e sitio polis a konfiská algun artíkulo ku ta importante pa e investigashon.

A presenté dilanti di un Fiskal Ouksiliar ku a ordená su enkarselamentu pendiente di mas investigashon.

 

SHARE

LEAVE A REPLY