NEW YORK, USA (AFP).- Outoridatnan norteamerikano a akusá e hòmber Luigi Mangoine di asesinato, indikando di a tira i a mata ku sanger friu e direktor ehekutivo di un kompania di seguro na York, inkluso un akusashon di asesinato den segundo grado “komo akto di terorismo”.
E asesinato “premeditá i sin esdrúhulo” dje ehekutivo Brian Thompson dia 4 di desèmber ‘tabata pa trese teror”, segun AlvinBragg, fiskal dje distrito di Manhattan.
Mangoine, di 26 aña, “ta keda akusá di un akto di asesinato den promé grado i dos di segundo grado, inkluso un akusashon di asesinato komo akto di terorismo”, segun Bragg.
Si hurado deklará e akusado kulpabel di terorismo, Mangoine lo enfrentá un kastigu máksimo di bida largu sin libertat kondishonal, segun fiskal a bisa.
E sospechoso djaweps awor mester komparesé dilanti di un tribunal lokal, despues di kua lo por traslad’é pa New York.
E investigadornan ta purba na determiná kiko tabata e motibu presis pa e ingeniero aki ku ta bini di un famia finansieramente bon pará a asesiná den pleno lus di dia e CEO di United Health Care pafó di un hotèl den Manhattan.
