KRALENDIJK – “Mi no a violá niun hende. Nan mes tabata ke”, Nixon K. (21) ta insistí durante su huisio djárason 7 di dezèmber 2022. Korte den Promé Instansia a atendé e kaso penal den su kontenido, den kua Ministerio Públiko (OM) ta akus’é di 4 echo kastigabel. Violashon seksual di un mucha di 14 aña, aktonan kontra moral ku menor di 16 aña, penetrashon di menor di 16 aña i poseshon di pornografia infantil.KRALENDIJK – “Mi no a violá niun hende. Nan mes tabata ke”, Nixon K. (21) ta insistí durante su huisio djárason 7 di dezèmber 2022. Korte den Promé Instansia a atendé e kaso penal den su kontenido, den kua Ministerio Públiko (OM) ta akus’é di 4 echo kastigabel. Violashon seksual di un mucha di 14 aña, aktonan kontra moral ku menor di 16 aña, penetrashon di menor di 16 aña i poseshon di pornografia infantil. Hues mr. Jörgen Snitker a presedí e kaso i fiskal mr. Rienhart-Martis a representá OM. Abogado mr. Edward Winkel tabata enkargá ku defensa di K. E sospechoso a keda 9 luna enkarselá den kuadro di aresto preventivo. Riba 19 di ougùstùs 2022 hues a suspendé esaki pa kuminsá e proseso di mediashon. Por resumí ku mediashon ta un proseso ku ta ofresé e sospechoso i e víktima e oportunidat pa establesé un diálogo ku otro...