NEW YORK, AP.- Un hòmber na Michigan ku tabatin òrdu di aresto den su kontra a keda detené despues ku el a yega na un stashon di polis den área di Detroit miéntras e tabata hungando “Pokemon Go”.
The Detorit News a reportá ku polis di Milford a detené e sospechoso di 26 aña, kende tabata bisti ku karson pa drumi. El a yega riba su baiskel.
Hefe di polis Tom Lindberg a bisa ku e agentenan a rekonosé pasó ya nan a yega di drenta den kontakto kuné den añanan resien. E korant a detayá ku e ta keda akusá pa invadí propiedat.
E wega di realidat ta duna insentivo manera “Pokeballs” pa bishitá sitionan real, konosí komo “Pokestops” i ‘Gyms”.
Na New York, un hòmber a resultá ku e heridanan menor despues di a dal vehíkulo di su ruman kontra un palu debí ku e tabata hungando “Pokemon Go”.
Outoridatnan a informá ku Steven Cary, di 28 aña, a frakturá su ènkel i tabatin leshon na ámbos pia. El a risibí but pa usa su telefòn miéntras e ta stür.
