MADRID, SPAÑA, AFP.- Presidente di Colombia, Ivan Duque, a ranka sali ku su bishita ofisial den Spaña, kaminda el a sera vários akuerdo ku e promé minister spañó, Pedro Sanchez, pa reforsá koperashon ekonómiko i polítiko entre ámbos pais.
Duque a topa ku rei Felipe den palasio di Zarzuela. Despues el a bishitá e sede di presidensia spañó pa entrevista ku Sanchez. Nan a sera un akuerdo di promoshon i protekshon di invershon.
Kompanianan spañó ta e finansiadónan di mas grandi di Colombia, i p’esei Duque kier purba sera kompromisonan di invershon na balor di 2.500 mion dòler.
E mandatario a partisipá na un almuerso ofisial den Palasio Real di Spaña, kaminda el a menshoná e situashon di Venezuela durante su bríndis. A aploudí e gobièrnu kolombiano internashonalmente pa legalisá venezolanonan indokumentá ku a drenta e pais despues ku nan a hui di Venezuela.
