MADRID, AP.- Spaña lo realisá elekshon nobo den novèmber dor ku ningun lider a logra haña sufisiente sosten parlamentario pa forma un gobièrnu, segun informashon di e presidente di gobièrnu Pedro Sanchez.
E anunsio a tuma lugá despues ku rei Felipe VI a bisa ku e no a haña un kandidato adekuá ku lo haña sosten di mayoria den Kongreso tambe, despues di elekshon di 29 di aprel.
Partido Sosialista Obrero Español (PSOE), a gana mayoria voto pa asientonan den kámara di representante durante elekshon di aprel, ku 123 di 350. Vários partido mas a haña un representashon konsiderabel den kámara.
E rei a tuma e desishon despues di dos dia di reunion ku lidernan di e partidonan polítiko.
E fecha límite pa forma un gobièrnu tabata 23 di sèptèmber pero elekshon lo wòrdu realisá riba 10 di novèmber.
Esaki lo bira e di kuater elekshon na Spaña durante e mesun kantidat di aña.
