MADRID, AP.- E presidente di e gobièrnu spañó, Pedri Sanchez a reuní ku e lider di Partido Popular den un intento pa forma gobièrnu despues di elekshonnan tras di lomba.

Partido Sosialista Obrero Spañó (PSOE) ta esun ku a haña mas asiento den elekshon di 28 di aprel, pero e partido no tin e mayoria nesesario pa forma gobièrnu su so. Apesar di a pèrdè mas di mitar di su asientonan, Partido Popular a keda komo e forsa opositor prinsipal.

E lider di PP, Pablo Casado a bisa ku si su partido no respaldá Sanchez, e ta dispuesto na konsiderá akuerdonan relashoná ku penshun, kastigu kontra violensia di género i seguridat nashonal

Sanchez a bisa den un tweet ku e diálogo ku Casado tabata “kordial”.

E lider spañó lo reuní ku e lider sentroderechista Albert Rivera di Ciudadanos, i e lider iskierdista Pablo Iglesias di Unidos Podemos.

Sinembargo, tur akuerdo lo sosodé despues di elekshon di Parlamento Europeo kual ta tuma lugá riba 26 di mei.

LAGA UN KOMENTARIO

Please enter your comment!
Please enter your name here