MADRID, SPAÑA, AFP.- Catalonia a dekretá un lockdown pa 200.000 persona dor di un plamamentu nobo di Corona vírus. Esaki a wòrdu imponé despues ku Spaña a kuminsá suavisá e medidanan di aislamentu pa kontené propagashon di e pandemia.
E òrdu ta konta pa siudat Lerida i alrededor di esaki i un sentenar di kilometer di e kosta di Catalonia, kual ta inkluí playanan popular entre turistanan.
“Tur hende mester keda paden”, asina e funshonario di salú, Alba Verges a bisa den un konferensia di prensa. Manera tabata e kaso durante e lockdown estrikto imponé den mart, e abitantenan por Sali solamente pa traha, bishita dòkter òf kumpra kuminda. Tur aglomerashon di mas di dies persona ta prohibí.
Spaña ta un di e paisnan gravemente afektá pa e pandemia ku mas di 28.400 morto. Pero apesar ku e pais a reportá un kaida drástiko den e kantidat di kaso, resientemente funshonarionan a bisa ku tin vários brote aktivo.