Spaña ta manda ehérsito pa teritorio spañó Ceuta despues di entrada masivo di migrantenan for di Maroko

Migrantenan landando purbando di yega kosta di Ceuta

CEUTA, SPAÑA, AFP.- Madrid a anunsiá djaweps ku lo manda algun sòldat pa Ceuta pa reforsá seguridat, despues ku vários migrante a drenta e teritorio spañó for di Maroko. Ademas, sentenáres di persona mas a purba krusa frontera desde Maroko.
Migrashon for di Maroko pa teritorionan Spañó Ceuta i Melilla ta un tema delikado entre ámbos pais pa vários aña kaba. Esaki pa motibu ku míles di persona ta purba krusa frontera.
Italia a pidi djaweps pa suspendé Spaña di e espasio Schengen.
Periodistanan di AFP mira un fluho enorme di adultonan i muchanan. Mayoria a yega e siudat landando.
Forsa Arma lo yuda garantisá seguridat den siudat di Ceuta, segun indikashon di e Ministerio di Interior di Spaña. E ministerio no a spesifiká kuantu sòldat lo manda e teritorio.
E delegashon di gobièrnu na Ceuta a informá na AFP ku a rekuperá kadaver di nuebe migrante ku a muri despues ku nan a purba yega e teritorio landando.
Italia a pidi pa suspendé Spaña di e espasio Schengen. Esaki ta e sistema liber di sirkulashon pa 29 pais europeo sin kòntròl interno na frontera.
“Mi ta na fabor di sera e espasio Schengen pa Spaña. Inmigrashon iregular i sin kòntròl ta representá un peliger pa nos seguridat nashonal”, asina e minister di eksterior italiano Antonio Tajani a splika.