Sòldánan spañó ta supervisá e distribushon di awa den un lokalidat pa migrantenan na Spaña
MADRID, SPAÑA, AFP.- Gobièrnu di Spaña a menasá Italia ku medidanan proporshonal si no kita e kontròlnan na frontera ku a tuma despues ku a kuminsá e krísis migratorio na Ceuta siman pasá. Un atvertensia ku Roma a ignorá.
Italia a sera temporalmente pa Spaña e espasio Schengen, e zona di sirkulashon liber pa Oropa, un siman pasá, despues di e yegada di mas di 70 mil migrante pa Ceuta, for di e pais bisiña di Maroko.
E episodio a sòru pa krítikanan den otro paisnan di Union Oropeo kende nan gobièrnunan, kontrali na e ehérsito spañó di e iskierdista Pedro Sanchez, ta promové e maneho di man duru pa ku migrashon.
Italia di su parti a anunsiá e suspenshon temporal durante di un luna di e espasio di sirkulashon liber ku su sosio oropeo, loke a provoká kontrolnan na pasaheronan ku ta yega ku barku òf avion for di Spaña.
Gobièrnu spañó a dal duru bèk ayera kontra di e desishon ei, ku e ta konsiderá komo inhustu, kontrali na e interesnan di Union Oropeo i diskriminatorio pa e poblashon spañó.
E minister di asuntunan eksterior, Jose Manuel Albares a deskribí esaki komo un torpedo dirigí kontra un flota den unidat oropeo.
